قراءة كف

افتح ايدياوشوف وقولى ان خط عمرى فين وامتى هينتهى؟ولاعذابىلية وحيرتى؟مش راضية عنى تختفى اية اللى بيا داخل اديا هاتقولة عنى وتبتدى خطوط كتيرة ومالية كفى ورغم معرفتى وثقافتى لكنة جاهل كنيتى لوغاريتم غامض مع انة ساكن قبضتى يامين يفسر غموض حياتى ويكشف خبايا دنيتى واياك ياكفى تخبى ضعفى او عنة تخفى قصتى بصيت كتير زمان فى كفى وفشلت احدد موقفى تضاريس وصحرا وجزع شجرة مالقتش حاجة تشدنى غير دم جارى وفرع دلتا مرسوم بيروينى فى ظلمتى طب فين طريقتى وازاى الاقى سكتى مااعرفش فين راحت شجاعتى والخوف ملانى وكرهت جهلى وبدون ارادتى سحبت كفى ولقتنى باقفل قبضتى وفى سرى بالعن جراتى